biag ti taga callcenter agent

Maikatlon nga callcenter nga sinerrek ko toy ayan ko tatta. Ngem kas diay naggiskwelaak, natanggsit kami. Ta idi kolehiyo, kunami nga dua lang ti unibersidad ditoy Pilipinas - UP and others. Ket tatta, kuna manen kakadwak lalo dagidiay napadas dan ti semrek ti nadumaduma nga callcenter nga 2 laeng ti klase ti callcenter - HDPP ken dadduma pay haha

Nangrugiak diay Convergys Nuvali idi Marso 2009 tapos nagresignak idi Setyembre ta saandak nga mairegular ta naalisanak ket makabulan nga derecho saanak nga nakatrabaho santo adda pay sabali nga langan ko gapu ti panagsaksakit ko. Adda hyperthyroid ko, buklong kunada ti ilokano pero datoy diay sobra sobra ti ir iruar na nga hormones santo kumaro ulcer ko (nga gallstones met gayam, kaano mi lang naamwan). Immalisak diay Teletech Sta. Rosa pero tallo lang nga bulan ko ta saan ko kayat unay ti patakan da lalo ta naggapuak ti napintas nga kumpanya, apay kuma nga agtyagaak idiay nga awan healthcard ko for three months, agsweldo ka lang ti awan pay lima ribu kada kinsenas santo alas dos ti parbangon ti serrek ko? No way! Nagresignak effective January 1 pero saanakon simrek sipud pay 26 ti Disyempre. Impapetsa da lang ti Enero diay resignation letter ta nagadu kanun unay ti nagresign ti napalabas nga bulan. January 18 nangrugiaak nga dagus diay HSBC, swertek pay ta Tranche 1 kami, barbaro nga account ken adayo nga napinpintas ti benefits ko idiay. 

Adda dagus healthcard, karugrugi mi pay lang ti training. Nalpas kon ti core leave ko - sangapulo nga aldaw nga bakasyon ko ket binayadan da daydiay. Inton maregular, libre pay ti healthcard toy dua nga annak ko. Anya pay kuma ti dawatek? Nalaka lang ti mangala bakasyon ditoy baro nga kumpanyak, no talaga nga emergency ket mabalin ka pay nga makisinnukat laengen ti sabali nga kadwam nga awan serrek na tapno isu ti mangcover kenyam habang awan ka. No maladaw ka, mabalin ka ag-slide ti schedule mo.

Adu pay ti okasyon ken events ditoy, adda family day, town hall every month, read-with-me program kada Biyernes ti maysa nga public school nga asideg diay opisina, tree planting, house building with Gawad Kalinga ken dadduma pay. 

Ngem kas ti dadduma nga kompanya, nadumaduma ti tattao ditoy ngem ti importante ammo yo ti mangrespeto ti maysa ken maysa. 

Ala iturog kon ta adda manen serrek kon bigat, alas siyete ti rabii. Pagsayaatan na lang ket uray no kasta ti schedule mi ket sikami ti last shift. UK accountak tatta, ngem no addan ton ti Aussie account, baka agpaiyalisak ton hehe

Sarsarita nga Ilocano

Iti las-ud ti pinagadal ko diay UP Diliman, nabulod kon san amin nga mabalin nga mabulod nga libro ti sarsarita nga Ilokano diay Main Lib ken diay Educ Lib. No mabalin lang kuma ket agbasaak pay ti Bannawag pero manmano met ngamin ti makitak ditoy Laguna. Adda nakitak nga Bannawag idiay istasyon ti Viron diay Cubao pero awan unay adu nga kuartak isu nga saanakon nga gimmatang. 

Dimmakkelak ti pamilya nga nahilig nga agbasa. Daydi Nanay Lydia ken Tatay Romeo (ti kinaagpayso na ken apokok isudan, nanang ken tatang ni mamak) ken gumatang da ti Bannawag kada lawas no adda la ketdi nawadwad nga kuarta. Papak Mariano ket aggatang met idi adda isuna diay Esperanza. Da lolok Isyo ken lolak Sayong diay Sudipen ket dinomingo nga adda rasyon da ti Liwayway ken Bannawag ta ni lolak Sayong ngamin ti agbanbantay diay Coop ti Old Central,  Sudipen. Ti pagmayatan na, ur-urnungen da amin isu nga adda pay nabasak nga warnak iti tawen ti 1980 sa. Diakon malagip ti usto nga date of publication na pero ammok nga saanak pay naiyanak idi hehe

Kayat ko ti agsurat ti sarita pero aminaduak nga saanak nga nalaing unay, pasado lang ti abilidad ko nga agsurat ket daytoy rugrugiak nga blog ket kayat nga aramiden kas pananglaglagip ko kada grannies ko nga Simplicio Pang-ot, Sr., Romeo Olod Sr., ken Juanita "Lydia" Olod nga nangpadakkel kanyak ken nangisuro nga ti panagbasa - uray anya pay nga lenguahe - ket kapintasan nga pangyusaran ti "idle time". 

Sao ken Sarita

Sao - Ilocano, in English, words, could be verbalized or written
Sarita - Ilocano, simply means "story"

So basically, this blog is devoted to mt tales and stories in Ilocano or Iloco